إنهارده جايبلكم هدية لكل أصدقائي وضيوف موقعي وهيا طريقة تعريب البومبس من الموبايل عشان كل واحد يقدر يعمل بومبس بإسمه بس في 3 ملحوظات مهمين جدا أول ملحوظة الشرح دا خاص بأجهزة الجيل التالت يعني موبايلك لازم يكون جيل تالت ذي
N95 , N73 , 6120c
اللي هيا برامجها بتبقي بصيغة
sisx تاني ملحوظة لما تيجي تحمل البومبس اللي هتعربه تحمله من متصفح
uc browser
عشان ينزل في مدير الملفات بدون ما يتسطب لو معندكش المتصفح دا حمله من هنا
لو ظبطت الملحوظات اللي فوق يبقي كدا تمام ويلا كدا نبدأ بسم الله أول حاجة في برنامج اسمه مشغل البايثون دا بيساعد برامج التعريب أنها تشتغل حمله من هنا وسطبه علي الكارت
بعد ما تحمله وتسطبه نبدأ كدا نحمل برامج التعريب وهما تلاتة أول برنامج هوا عملاق الترجمة زانتكس حمل من هناZntxhan.sisx
تاني برنامج وهوا برنامج فك الملفات وتعديل شهادة البرنامج العملاق إكسبلور حمل من هناExplorer.sisx
تالت برنامج وهوا برنامج تجميع الملفات العملاق زاب مانجز حمل من هناZip_Manager.sis
بعد ما سطبنا كل البرامج وتمام هنستخدم متصفح يو سي ودا متصفح نت ذي الأوبرا ميني بس أفضل منه في التحميل هنخش علي أي موقع ونحمل البومبس اللي هنعربه وبعدين هنلاقيه نزل في مدير الملفات التعريب 3 مراحل أو حاجه فك البرنامج تاني حاجه تعريب ملفاته تالت حاجه تجميع البرنامج هنبدأ بأول مرحلة اللي هيا فك البرنامج هنخش مدير الملفات ونعمل حافظة جديدة ونسميها مثلا
Bombus
ذي ماهو واضح في الصورة كدا
بعدها نفتح برنامج إكسبلور ونخش علي المكان اللي نزل فيه البومبس ذي كدا
بعدها ندوس علي البرنامج أوك في النص فهيجبلنا كل ملفاته الداخلية وإحنا بقي ندوس خيارات وتحديد الكل عشان نستخرجها للحافظة اللي عملناها ذي الصورة دي
بعد كدا ندوس خيارات ثم ملف وبعدها نختار إستخراج إلي
بعد كدا هنتحرك علشان نوصل الحافظة اللي صنعناها عشان نفك فيها ملفات البومبس اللي إسمها
Bombus
بس ركز هنا أوي لما هنتحرك هنستحدم زراير الإتجاهات اليمين عشان ننزل تحت والشمال عشان نطلع فوق وأول ما نوصل الحافظة ندوس عليها أوك في النص فالبومبس هيبدأ يتفك ذي كدا
أول ما يخلص هتيجي الصورة دي كدا معناها تمام البرنامج إتفك هندوس رجوع ونخرج من برنامج إكسبلور خالص
بعدها نخش في المرحلة التانية اللي هيا مرحلة التعريب هنفتح برنامج زانتكس وندوس خيارات ثم إبدأ الترجمة وبعدها ترجمة نص
بعدها هنتحرك علشان نوصل للحافظة اللي فكينا فيها ملفات البومبس واللي اسمها
Bombus
بعد ما وصلنا للحافظة دي هندوس أوك عليها عشان نخشها ونشوف ملفات البومبس الموجودة جواها ذي كدا
وذي ماحنا شايفين الحافظة جواها فولدرات ذي
Images , Lang , Skins
وكمان جواها كلاسات ذي
a.class , ab.class
والحاجات اللي هنعربها بقي موجودة جوا الكلاسات دي وطبعا الكلاسات دي كتيرة وعددها كبير وعشان تخشها وتدور علي الحاجات اللي هتتعرب جواها مش هتاخد أقل من 3 ساعات وأنا اختصارا للوقت ومن باب خبرتي بالتعريب هقولك ملحوظة وهيا أن 95 % من الحاجات اللي هتتعرب موجودة جوا كلاس واحد من دول والباقي 5 % متوزعة في كام كلاس تانين معني كدا أن أنت لو لقيت الكلاس دا ودخلته وعربت اللي جواه هتبقي تقريبا خلصت 95 % من البومبس وفاضلك حبة صغيرين هتدور عليهم طب اذاي ألاقي الكلاس دا بأه عشان مأخدش وقت في التعريب أنا أقولك أول ما تفتح برنامج زانتكس دوس خيارات ثم أبدأ الترجمة وبعدها فتح كلاس ذي كدا
هيفتحلك مربع للكتابة أكتب فيه
Admins
ودوس موافق ذي كدا
بعد ما ندوس موافق نركز هنا جامد هنتحرك بالأتجاهات اليمين عشان نطلع فوق والشمال عشان ننزل تحت ذي برنامج إكسبلور بالظبط لحد ما نيجي علي الحافظة اللي جواها ملفات البومبس واللي إحنا مسمينها
Bombus
ندوس أوك هنلاقي البرنامج بيقولك جاري البحث وبعد كام ثانية هيجبلك اسم كلاس أهو دا بقي الكلاس اللي إحنا عاوزين نوصله واللي جواه 95 % من بيانات البومبس أول ما يجبلنا الكلاس دا هندوس أوك عليه فالبرنامج هيخش جوا الكلاس ذي الصورة دي
طبعا الكلاس جواه كلام كتير بس إحنا هنعرب اللي احنا عارفينه أو اللي ليه معني ويفضل أنك تبقي فاتح أي إيميل علي البومبس وجنبه فاتح برنامج التعريب زانتكس عشان تعرف إيه اللي محتاج يتعرب مثلا ذي
(default)
ودي معناها (الإفتراضي) عشان أعربها هاجي عليها وأدوس أوك هيفتحلي صفحة التعديل بالشكل دا
تروح أنت طبعا ماسح الكلام الإنجلش دا وتكتب مكانه الكلام العربي أو الترجمة بتاعة الكلمة اللي هيا (الإفتراضي) بس كدا وندوس موافق
بس وهنفضل نعرب في الكلمات دي نمسح الأنجلش ونكتب العربي ولما نخلص تعريب الكلمات اللي جوا الكلاس هندوس علي رقم 7 وبعدها نختار حفظ
بس هندوس رجوع ونخرج من الكلاس كدا طبعا عربنا 95 % من ملفات البومبس وباقي حاجات لسه متعربتش موجودة في كلاسات تانية أنا هشرح في الآخر إذاي تلاقيها في الآخر بس دلوقتي كل كلاس بنعدله بعد ما بنعمل حفظ بتظهر حاجه اسمها كلاس باك ذي
kp.class_.bak
دي لازم تتحذف بعد ما تخلص تعريب لازم تحذف ملفات الباك دي
بعد ما تحذف ملفات الباك دي سواء هتحذفها من مدير الملفات أو من الزانتكس نفسه تعالو بقي أعلمكوا إذاي تغيروا في نظام البرنامج ذي صورة أيقونة البرنامج وصورة الإسبلاش والزخرفة بالنسبه لصورة أيقونة البرنامج اللي هيا أول ما تسطب برنامج وتخش علي قائمة البرامج بتشوفها دي عشان نغيرها بنخش من مدير الملفات علي الحافظة اللي فيها ملفات البومبس واللي احنا مسمينها
Bombus
هتلاقي أيقونة البرنامج اسمها
_icon.png
عشان نغيرها بقي هتشوف حجمها قد إيه وبعد كدا هتحذفها وتجيب أي صورة من عندك ليها نفس الحجم أو قريب منه بس بشرط تسميها نفس الأسم
_icon.png
وتحطها في نفس المكان أما صورة الإسبلاش ودي الصورة اللي بنشوفها بعد ما بنفتح البومبس بتظهر كخلفية كدا دي بقي تلاقيها جوا الحافظة برضو
Bombus
هتخش هتلاقي فولدر إسمه
images
هتخش جواه هتلاقيها إسمها
splash.png
برضو نفس فكرة صورة الأيقونة هنشوف حجمها ونحذفها ونجيب أي صورة إحنا عاوزينها بس يكون حجمها نفس حجم اللي حذفناها أو حجم قريب منه بس ونسميها
splash.png
وبرضو نحطها في نفس المكان بالنسبة بأه اذاي تعمل بومبس فيه إبتسامات النيمباز الإفتراضية سهل أوي هتخش الحافظة
Bombus
هتلاقي فولدر إسمه
images
جواه حاجتين إسمهم
smiles.png
smiles.txt بس هنحذفهم ونحط دول مكانهم حمل من هناsmiles.png smiles.txt
بالنسبة بأه لو عاوز بومبسك يزخرف زخرفة جميلة للحروف العربية والإنجليزية والأرقام هتخش الحافظة
Bombus
هتلاقي ملف في الآخر خالص إسمه
translit.txt
نيجي بقي لخطوة تعديل شهادة البرنامج أو بياناته عشان تخليه بإسمك هنفتح برنامج إكسبلور ونخش الحافظة اللي فيها ملفات البرنامج
Bombus
هنخش هنلاقي فولدر إسمه
META-INF
هنخش هنلاقي ملف إسمه
MANIFEST.MF
هنيجي عليه وندوس قائمة ثم ملف وبعدها نختار تحرير ذي كدا
هيفتحلك صفحة تعديل شهادة البرنامج عندنا حاجتين هنعدلهم حاجة إسمها
MIDlet-1
ودي هيا إسم البرنامج اللي بيظهر تحت الأيقونة لما تسطب البرنامج وتخش قايمة البرامج تشوفه هنمسح الكلام المكتوب المظلل دا ونسميه مثلا
fo0ox
وحاجة تانية إسمها
MIDlet-Name
ودي وصف البرنامج اللي بيظهر عند التثبيت هنمسح الكلام المظلل دا ونكتب مثلا
BombuS By M.R Fo.oX
ذي الصورة دي كدا
بس وبعد ما عدلنا شهادة البرنامج وتمام كدا هندوس علي قائمة وبعدها نختار حفظ
بس وهندوس رجوع ونخرج من برنامج إكسبلور وبكدا نكون عربنا البومبس وعدلنا في نظامه من زخرفة والإبتسامات وصور البرنامج وبكدا ندخل في آخر مرحلة وهيا مرحلة التجميع يعني هنجمع ملفات البومبس ونعملهم برنامج هنفتح برنامج
Zip Manager
هندوس خيارات ونختار أرشيف جديد
بس وهنسميه ذي ما نحب بس يكون آخر الأسم زاب مثلا
Bombus.zip
هندوس خيارات ونختار أرشيف جديد
هنتحرك لحد ما نوصل للحافظة اللي جواها ملفات البومبس ونخشها
Bombus
فهيجبلنا كل الملفات بالشكل دا
هندوس خيارات ثم وضع علامة وبعدها نختار تعليم الكل
بعدها هندوس خيارات ونختار إضافة للأرشيف
بس كدا وهنسيبه لحد ما يخلص وبعد ما يخلص هندوس رجوع ونخرج من برنامج
Zip Manager
ونخش علي مدير الملفات هنلاقي ملف بإسم
Bombus.zip
أنت طبعا هتعمله إعادة تسمية وبدل ماهو
Bombus.zip
أنت هتخليه
Bombus.jar
وبكدا يكون برنامجنا جاهز للتثبيت
طبعا أنا مش ناسي أن إحنا اتفقنا من الأول أن إحنا كدا عربنا 95 % من البومبس ولسه باقي حاجات متعربتش إذاي بقي نلاقيها ركز معايا إحنا هنسطب برنامجنا عادي اللي جمعناه دا وهنفتح أي إيميل عليه هنلاقي أن أغلبه بقي عربي بس لسه في حاجات إنجلش تروح تفتح جنب البومبس برنامج زانتكس وتدوس خيارات ثم إبدأ ترجمة وبعدها فتح كلاس
بعد كدا هتكتب الكلمة الإنجلش وهتدوس موافق وهتتحرك لحد الحافظة اللي فيها الملفات
Bombus
والبرنامج هيبحثلك الكلمة دي في أنهي كلاس وأنت بأه تخش تعدلها
بس وبعد ما تعدل تدوس رقم 7 وتختار حفظ وتفضل تكرر نفس الخطوة لحد ما تعرب الكلام الإنجلش اللي لسه متعربش وبعدين تخش من مدير الملفات وتحذف ملفات الكلاس باك الجديدة اللي ظهرت
بس كدا وهنرجع نكرر خطوات مرحلة التجميع عشان يبقي عندنا برنامج جاهز ونسطبه بس المرادي هتلاقيه معرب 100 % يارب الشرح يكون عجبكم ومبسط أنا بصراحة كنت مكسل أعمل الشرح دا عشان طويل جدا وهياخد وقت بس أنا عملته عشان خاطر إنسانة عزيزة عليا أنا شخصيا هيا اللي طلبت الشرح دا إسمها أمل ملاك¤روحي وبرضو هو إهداء لكل أصحابي وضيوف موقعي عشان محدش يزعل وفي النهاية مش مستني منكم أكتر من دعوة حلوة ليا ربنا يوفقني في حياتي أنا تعبت في الشرح دا جدا ويكفيني شرف أنه من مجهودي الشخصي بس حسبي الله هو نعم الوكيل في أي حد ينسخ الشرح دا بدون ذكر إسمي وعموما أنا سايب بصماتي في كل حتة علي الصور ومظبط نفسي :D اللي عاوز يستفسر عن أي حاجة يضيفني علي الإيميل دا
!!_.-._.-._.-(*lvlafia*)-._.-._.-._!! *~*~*~*~*~*~*~* ♥lvl.Ř•Fô.ôX•I.š•HeŘe♥
